“Дээлтэй Монгол” өдөрлөг амжилттай болж өндөрлөлөө.

Монгол Улс тусгаар тогтнолоо зарлаж, анхдугаар Үндсэн хуулиа баталсны 101 жилийн ойг угтан “Дээлтэй Монгол” өдөрлөгийг энэ оны 11 дүгээр сарын 25-нд амжилттай зохион байгууллаа.

Өдөрлөгийн зорилго нь эх орныхоо тусгаар тогтнол, эрх чөлөө, түүх соёлоо эрхэмлэн дээдэлж, бахархах үзлийг төлөвшүүлэхэд оршсон юм.

Энэ өдөр Оюунлаг сургуулийн багш, сурагч, ажилтан ажиллагсад маань монгол түмний бахархал болсон дээл хувцсаараа гоёж, эх орныхоо түүхэн өдрийг бахархан тэмдэглэн өнгөрүүллээ. Бидний үйл ажиллагааг дэмжин идэвхтэй оролцсон та бүхэндээ баярлалаа.