“БЭЛТГЭЛ АНГИ”-ИЙН БҮРТГЭЛ АМЖИЛТТАЙ БОЛЛОО

“ОЮУНЛАГ” бүрэн дунд сургуулийн 2019-2020 оны хичээлийн жилд I ангид элсэн суралцах сурагчдад зориулсан “НЭЭЛТТЭЙ ХААЛГАНЫ ӨДӨРЛӨГ” 2 өдөр амжилттай болж өндөрлөлөө. Энэхүү арга хэмжээнд эцэг эх болон аймаг болон нийслэлийн сургуулийн багш нар ирж, сургуулийн орчин, сурах бичиг, сургалтын хөтөлбөртэй танилцлаа. Өдөрлөгт нийт 1700 орчим хүмүүс ирж, дэлгэрэнгүй мэдээллийг авлаа. Манай сургуулийн зохион явуулсан өдөрлөгт хүрэлцэн ирсэн та бүхэнд юуны өмнө баярласан талархсанаа илэрхийлье. Ирэх хичээлийн жилд элсэн суралцах 120 хүүхдийн бүртгэл амжилттай боллоо. Бэлтгэл ангид элсэн суралцах хүсэлтэй сурагчдыг бүртгэсэн болно. Бэлтгэл ангид бүртгүүлж амжаагүй та бүхнээс хүлцэл өчье. Мөн шинээр элсэн суралцаж буй бяцхан сурагчдадаа “Бэлтгэл анги”-ийн хичээлийн сурах бичиг, үзэг, хичээлийн дэвтрийг сургуулийн захиргааны зүгээс бэлэг болгон өгнө.

Та нар маань эрдмийн их оргил өөд шамдан суралцаарай.