Тайваны №1 их сургуулийн төлөөлөгчид Оюунлаг сургуульд зочиллоо!
2025 оны 9-р сарын 18-ны өдөр Тайваны Үндэсний Их Сургуулийн гадаад оюутан хариуцсан төлөөлөгчид Оюунлаг сургуулийн урилгаар хүрэлцэн ирж, 11–12-р ангийн сурагчдад зориулсан танилцуулга уулзалтыг зохион байгууллаа.
Уулзалтын үеэр:
• Тайвань улсад суралцахын давуу тал
• Сургуулийн хөтөлбөр, элсэлтийн шаардлага
• Бүрэн тэтгэлэг авах боломжуудын талаар дэлгэрэнгүй мэдээлэл өгч,
• Сурагчдын асуултад хариулсан юм.
Төлөөлөгчдийг Оюунлаг сургуулийн үүсгэн байгуулагч, Монгол Улсын гавьяат багш Д.Батсайхан хүлээн авч уулзан, сургуулиа танилцуулж, хамтын ажиллагааны талаар санал солилцлоо. Мөн боломжит тэтгэлэгт хөтөлбөрт сурагчдыг хамруулах хүсэлтийг албан ёсоор тавьсан нь манай сургуулийн олон улсын харилцааг өргөжүүлэх чухал алхам боллоо.
