Оюунлаг сургуулийн ахлах ангид хүмүүнлэгийн боловсрол түгээх үйл ажиллагаа

Ерөнхий боловсролын “Оюунлаг” сургуулийн Карьер хөгжлийн төв болон Монголын Улаан Загалмайн Нийгэмлэгийн Баянзүрх дүүрэг дэх салбар хороо хамтран ахлах ангийн сурагчдад Монголын Улаан Загалмайн Нийгэмлэгийн үйл ажиллагааг танилцуулж, бусдад туслах болон энэрэх сэтгэлгээг эрхэмлэхийн чухлыг онцлон ярилцлаа.

Сайн дурын ажил болон нийгмийн оролцоо нь гадаадын их, дээд сургуульд элсэхэд чухал үзүүлэлт болдог тул сургууль дээр Улаан загалмайн салбар хороо, клуб байгуулах боломжийн талаар талууд хэлэлцэв.

Олон улсын Улаан загалмай, Улаан хавирган сарны хөдөлгөөн

Энэхүү хөдөлгөөн нь дэлхий дахинд хүмүүнлэгийн тусламж үзүүлдэг хамгийн том, төвийг сахисан, бие даасан ашгийн бус байгууллагуудын сүлжээ бөгөөд нийт 191 үндэсний нийгэмлэгтэй.

Монгол Улс дахь үндэсний салбар болох Монголын Улаан Загалмайн Нийгэмлэг 1939 онд байгуулагдсан бөгөөд улсын 21 аймаг, нийслэлийн 9 дүүрэгт нийт 33 салбар хороотой, 200 гаруй сургуультай хамтран ажиллаж байна. Хүмүүнлэгийн чиглэлээр өргөн хүрээний үйл ажиллагаа явуулдаг, өндөр статустай байгууллага юм.

Үнэт 7 зарчим:

• Энэрэнгүй байх

• Шударга байх

• Төвийг сахих

• Бие даах

• Сайн дурын байх

(ба бусад зарчмууд)

Сурагчдын дунд анхны тусламжийн уралдаан, хүмүүнлэгийн өдрүүд, сайн дурын аяныг жил бүр зохион байгуулж, Боловсролын яамтай хамтран хүмүүнлэгийн боловсролын хөтөлбөрийг хэрэгжүүлэн ажиллаж байна.